Wednesday, January 1, 2014

ग्रामीण बालकाचे बुध्‍यांक व वाढांक पडताळणी शिबीराचे आयोजन

मार्गदर्शन करतांना प्र विशाला पटणम 
वसंतराव नाईक मराठवाडा कृषि विद्यापीठांतंर्गत असलेल्‍या गृह विज्ञान महाविद्यालयाच्‍या मानव विकास व कौटुंबिक अभ्‍यास विभागातील बि.एस्‍सी तृतीय वर्षाच्‍या विद्यार्थींनीनी ग्रामीण बालकाचे बुध्‍यांक व वाढांक पडताळणी शिबीराचे आयोजन सगरोळी येथील कृषि विज्ञान केंद्रा मार्फत आयोजीत कृषि तंत्रज्ञान महोत्‍सवात करण्‍यात आले होते. ग्रामीण भागातील 45 शालेय विद्यार्थीनी आणि 20 अनाथ बालीकांचे बुध्‍यांक व वाढांक पडताळून करून त्‍याआधारे त्‍यांना योग्‍य मार्गदर्शन करण्‍यात आले. सदरित कार्यक्रमात गृह विज्ञान महाविद्यालयाच्‍या सहयोगी अधिष्ठाता प्रा विशाला पटनम यांनी ग्रामीण महिला व पुरुषांना कौटुंबिक आर्थिक आणि जीवनमान दर्जा उंचावण्‍यासाठी स्‍त्री-सक्षमीकरणाची अत्‍यंत गरज असल्‍याचे महत्‍व पटवून दिले. पुढे त्‍या म्‍हणाल्‍या, ग्रामीण बालकांच्‍या सर्वांगीण विकासासाठी गरोदर अवस्‍थेपासून ते बालकांच्‍या सुरूवातीचे आठ वर्ष वयापर्यंत होणारे 80 टक्‍के बौध्‍दीक विकासा होतो, त्‍यासाठी योग्‍य अन्‍न व पोषण, आरोग्‍य व योग्‍य बाल शिक्षणाची व कुटूंबामध्‍ये उत्‍तेजनात्‍मक वातावरणाची गरज असते परंतु ग्रामीण भागामध्‍ये या सर्व गोष्‍टीकडे अतिशय दुर्लक्ष होत असते व यामुळे जवळपास 90 टक्‍के बालके विविधस्‍तराच्‍या कुपोषणाला बळी पडून त्‍यांच्‍या सर्वांगीण विकासात अडथळा निर्माण होतो. तसेच त्‍यांनी बालकांच्‍या सर्वांगीण विकासामध्‍ये कुटूंबियांच्‍या जबाबदारीची जाणीव करुन दिली. शिबीरामध्‍ये मानव विकास व कौटुंबिक अभ्‍यास विभागातील विविध पुस्‍तकांचे प्रदर्शन मांडण्‍यात आले होते, सदरील पुस्‍तकांच्‍या विक्रीला पालकांनी मोठा प्रतिसाद दिला. ह्या ग्रामीण बाल पडताळणी शिबीरात उत्‍कृष्‍ट विकास झालेल्‍या 15 बालके व विद्यार्थ्‍यांचा आणि पालक व आजी आजोबा यांचा उत्‍कृष्‍ट पाल्‍य व  उत्‍कृष्‍ट पालक पुरस्‍काराने प्रा. विशाला पटनम यांच्‍या हस्‍ते प्रमाणपत्रे देऊन गौरवण्‍यात आले. सदरिल शिबीरामध्‍ये सहभागी गृह विज्ञान विद्यार्थीनींना प्रत्‍यक्षा अनुभावामुळे त्‍यांच्‍या ज्ञान व कौशल्‍यात अधिक भर पडणार आहे. कार्यक्रम यशस्‍वीतेसाठी विषयतज्ञ प्रा विशाला पटणम व प्रा. रमन्‍ना देसेट्टी यांच्‍या मार्गदर्शनाखाली महाविद्यालयाच्‍या विद्यार्थीनी रोहीणी, स्‍वाती, प्रियंका, संध्‍या, निशीगंधा, अंकीता व ज्‍योती यांनी परिश्रम घेतले.