Tuesday, May 22, 2018

वनामकृवित कौशल्‍य विकास निवासी प्रशिक्षण संपन्‍न



परभणी : वसंतराव नाईक मराठवाडा कृषि विदयापीठांतील विस्‍तार शिक्षण संचालनालयाच्‍या कृषि तंत्रज्ञान माहिती केंद्र आणि कृषि तंत्रज्ञान व्‍यवस्‍थापन यंत्रणा (आत्‍मा), परभणी यांच्‍या संयुक्‍त विदयमाने ग्रामीण युवकांकरिता सहा दिवसीय कौशल्‍या विकास निवासी प्रशिक्षण दिनांक १४ ते १९ मे दरम्‍यान संपन्‍न झाले. यात रेशीम उदयोगआणि कृषि उत्‍पादन प्रक्रिया व विपणन या दोन विषयावरील प्रशिक्षणात प्रत्‍येकी एकूण ३० ग्रामीण युवकांनी सहभाग नोदंविला. सदरिल प्रशिक्षणात प्रात्‍याक्षिकाव्‍दारे कौशल्‍यवृध्‍दी विशेष भर देण्‍यात आला होता.
रेशीम उदयोग या विषयावर प्रभारी अधिकारी डॉ. सी. बी. लटपटे, वरीष्‍ठ संशोधन सहायक प्रा. चौंडेकर, श्री. ए.ए. करंडे, डॉ. आरती वाकुरे यांनी मार्गदर्शन करून शासनाच्‍या विविध योजनांची माहिती दिली. श्री. पी. एम. जंगम यांनी नाबार्ड, तर रुपाली कानगुडे, प्रकल्‍प अधिकारी यांनी जिल्‍हा उदयोग केंद्राचे विविध उपक्रम यावर मार्गदर्शन केले. तसेच डॉ. एस. जी. पुरी यांनी उदयोजगता विकास व संभाषण कौशल्‍य याबाबत मार्गदर्शन केले.
कृषि उत्‍पादनांची प्रक्रिया व विपणन यावर अन्‍नतंत्र महाविदयालयाचे प्राचार्य डॉ. सावते, प्रा. दिलीप मोरे, डॉ. व्‍ही. एस. पवार, डॉ. के. एस. गाडे, डॉ. बी. एस. आगरकर, डॉ. बी. ए. जाधव, प्रा. पी .यु. घाटगे, प्रा. ए. ए. जोशी, प्रा. एस. के. सदावर्ते, प्रा. आर. बी. क्षिरसागर, यांनी मार्गदर्शन करुन सोया स्‍नॅक्‍स, भाजीपाला फळे निर्जलीकरण, बेकरी पदार्थ, दुग्‍धजन्‍य पदार्थ, हळद प्रक्रिया यावर यांचे प्रात्‍याक्षिके दाखवुन शेतक-यांकडून सदरिल पदार्थ करुन घेतले.
समारोपात कार्यक्रमाच्‍या अध्‍यक्षस्‍थानी विस्‍तार शिक्षण संचालक डॉ. प्रदिप इंगोले हे होते तर मुख्‍य विस्‍तार शिक्षण अधिकारी डॉ. प्रशांत देशमुख, आत्‍मा प्रकल्‍प संचालक श्री. के. आर. सराफ, विस्‍तार कृषि विदयावेत्‍ता डॉ. यु. एन. आळसे आदींची प्रमुख उपस्थिती होती. मान्‍यवरांच्‍या हस्‍ते प्रशिक्षणार्थींना प्रमाणपत्र प्रदाण करण्‍यात आले.
अध्‍यक्षीय भाषणात डॉ. प्रदिप इंगोले यांनी प्रशिक्षणातील अवगत केलेले ज्ञान व कौशल्‍य प्रत्‍यक्षात अमलात आणण्‍याचे आव्‍हान केले. सहभागी शेतकरी सादुजी मिसाळ व विठ्ठल सुरवसे यानी प्रशिक्षणाबाबत समाधान व्‍यक्‍त केले. प्रास्‍ताविक डॉ. यु. एन. आळसे यांनी केले. प्रशिक्षणाच्‍या आयोजनासाठी विस्‍तार शिक्षण संचालक डॉ. प्रदिप इंगोले आणि विस्‍तार कृषि विदयावेत्‍ता डॉ. यु. एन. आळसे यांच्‍या मार्गदर्शनाखाली डॉ. एस. जी. पुरी यांनी प्रशिक्षण समन्‍वयक म्‍हणून कार्य केले.

Friday, May 18, 2018

शेतकरी वाचला तर देश वाचेल....भारतीय कृषि अनुसंधान परिषदेचे उपमहानिदेशक (कृषि शिक्षण) मा. डॉ. नरेन्‍द्र सिंह राठौड

वनामकृवित आयोजित खरिप शेतकरी मेळाव्‍यास शेतक-यांचा मोठा प्रतिसाद
मेळाव्‍यात सत्‍कार करण्‍यात आलेले शासन पुरस्‍कार प्राप्‍त प्रगतशील शेतक-यासह मान्‍यवर
खरीप शेतकरी मेळाव्‍याचे उदघाटन करतांना
कृषि प्रदर्शनीचे उदघाटन करतांना

आज देशात अन्‍नधान्‍य व इतर शेतमालाचे मोठया प्रमाणावर उत्‍पादन होत आहे, याचे सर्व श्रेय शेतकरी, शेतमजुर, शास्‍त्रज्ञ व शासनाचे धोरण यास जाते. शेतकरी हा समाजातील मुख्‍य सन्‍मानिय व्‍यक्‍ती असुन शेतकरी वाचला तर देश वाचेल. शेतमालास उत्‍पादन खर्चाच्‍या दिडपट हमी भाव देण्‍यासाठी राष्‍ट्रीय पातळीवर निश्चित असे धोरण ठरविण्‍याचे काम प्रगतीपथावर आहे, असे प्रतिपादन नवी दिल्‍ली येथील भारतीय कृषि अनुसंधान परिषदेचे उपमहानिदेशक (कृषि शिक्षण) मा. डॉ. नरेन्‍द्र सिंह राठौड यांनी केले. वसंतराव नाईक मराठवाडा कृषि विद्यापीठाच्‍या 46 व्‍या वर्धापन दिनानिमित्‍त विस्‍तार शिक्षण संचालनालय व कृषि विभाग, महाराष्‍ट्र शासन यांच्‍या संयुक्‍त विद्यमाने दिनांक 18 मे रोजी आयोजित खरीप शेतकरी मेळाव्‍याच्‍या उदघाटन प्रसंगी ते बोलत होते. कार्यक्रमाच्‍या अध्‍यक्षस्‍थानी कुलगुरू मा. डॉ. बी. व्‍यंकटेश्‍वरलु हे होते तर व्‍यासपीठावर विस्‍तार शिक्षण संचालक डॉ. पी. जी. इंगोले, शिक्षण संचालक डॉ. व्‍ही. डी. पाटील, संशोधन संचालक डॉ. डी. पी. वासकर, विद्यापीठ कार्यकारी परिषदेचे सदस्‍य डॉ पी आर शिवपुजे, आत्‍माचे प्रकल्‍प संचालक श्री के आर सराफ, मुख्‍य विस्‍तार शिक्षण अधिकारी डॉ पी आर देशमुख आदींची प्रमुख उपस्थिती होती.
मा. डॉ. नरेन्‍द्र सिंह राठौड पुढे म्‍हणाले की, आज देशातील उत्‍पादन वाढीचा दृष्‍टीने मृदा व जलसंधारण, कृषि यांत्रिकीकरण, हवामान बदलास अनूकुल कृषि तंत्रज्ञान आदी बाबींचा विचार करावा लागेल. देशात आजपर्यत अकरा कोटीपेक्षा जास्‍त शेतक-यांना मृदा आरोग्‍य पत्रिकेचे वाटप करण्‍यात आले असुन याचा उपयोग शेतक-यांनी करावा. कृषि यांत्रिकीकरणासाठी युवा शेतक-यांनी पुढाकार घ्‍यावा. देशातील 690 कृषि विज्ञान केंद्राच्‍या माध्‍यामातुन शेतक-यांपर्यंत कृषि तंत्रज्ञान प्रसारासाठी प्रयत्‍न चालु आहेत. बदलत्‍या हवामानात देखिल शेतीचे उत्‍पादन वाढण्‍यासाठी शास्‍त्रज्ञ प्रयत्‍न करीत आहेत, असे प्रतिपादन त्‍यांनी केले.   
अध्‍यक्षीय समारोप कुलगुरू मा. डॉ. बी. व्‍यंकटेश्‍वरलु म्‍हणाले की, कापुस हे मराठवाडा व विदर्भातील मुख्‍य नगदी पिक असुन गुलाबी बोंडअळीमुळे गेल्‍या वर्षी शेतक-यांचे मोठे नुकसान झाले. यावर्षी गुलाबी बोंडअळीचा प्रादुभार्व टाळण्‍यासाठी किड व्‍यवस्‍थापनाचे तंत्रज्ञान शेतक-यांपर्यंत पोहचविण्‍यासाठी शासन, कृषि विभाग, कृषि विद्यापीठ मोठया प्रमाणात प्रयत्‍न करित आहे. शेतक-यांनी विशेषत: सतर्क राहावे, कापसाचे पिक 45 दिवसाचे असतांना पिकांचे निरीक्षण करावे, बोंडअळीचा प्रादुर्भाव आढळल्‍यास त्‍वरित विद्यापीठ शास्‍त्रज्ञ व कृषि विभागातील कृषि विस्‍तारकाशी संपर्क करावा, असा सल्‍ला त्‍यांनी दिला.  
कार्यक्रमाचे प्रास्‍ताविक विस्‍तार शिक्षण संचालक डॉ पी जी इंगोले यांनी केले. कार्यक्रमाचे सुत्रसंचालन डॉ विणा भालेराव व प्रा अरूण गुट्टे यांनी केले तर आभार मुख्‍य विस्‍तार शिक्षण अधिकारी डॉ पी आर देशमुख यांनी मानले.
मेळाव्‍यात शासन पुरस्‍कार प्राप्‍त प्रगतशील शेतक-यांचा मान्‍यवरांच्‍या हस्‍ते सत्‍कार करण्‍यात आला. खरीप पिक परिसंवादात खरीप पिक लागवड व व्‍यवस्‍थापन तसेच शेती पुरक जोडधंदे याविषयावर विद्यापीठ शास्‍त्रज्ञांनी मार्गदर्शन करून शेतक-यांच्‍या कृषि विषयक प्रश्‍न व शंकाचे शास्‍त्रज्ञानी निरासरन केले. याप्रसंगी विद्यापीठ विकसित विविध तंत्रज्ञान आधारीत दालनासह शेती निविष्‍ठांचे खासगी कंपन्‍या व बचत गटाच्‍या दालनाचा समावेश असलेल्‍या कृषि प्रदर्शनीचे उदघाटन मान्‍यवरांच्‍या हस्‍ते करण्‍यात आले. तसेच विद्यापीठ विकसित बियाणे विक्रीचे उदघाटनही करण्‍यात आले. विद्यापीठ मासिक शेतीभाती खरीप विशेषांक, विद्यापीठ शास्‍त्रज्ञ लिखित विविध विषयावरील पुस्तिका, घडीपत्रिका आदींची विमोचन करण्‍यात आले. मेळाव्‍यास व कृषि प्रदर्शनीस शेतक-यांनी मोठा प्रतिसाद दिला. 
मेळाव्‍यात मान्‍यवरांच्‍या हस्‍ते सत्‍कार करण्‍यात आलेले शासन पुरस्‍कार प्राप्‍त प्रगतशील शेतकरी
बीड जिल्‍ह्यातील सौ विद्या रूद्राक्ष (डिघोळअंबा, ता. अंबाजोगाई), व्‍यंकटी गिते (नंदागौळ, ता. परळी), लातुर जिल्‍हयातील शिवाजी कन्‍हेरे (धानोरा, ता. अहमदपुर), दिलीप कुलकर्णी (नागलगाव, ता उदगीर), औरंगाबाद जिल्‍हयातील शिवाजी बनकर (जातेगांव ता. वैजापुर), दत्‍तात्रय फटांगरे (नांदर ता. पैठण), बाळासाहेब जिवरख (धोंदलगाव ता. वैजापुर), उस्‍मानाबाद जिल्‍ह्यातील मारोती डुकरे, (झळकवाडी, ता. किनवट जि. नांदेड) आदीसह दिवंगत प्रगतशील शेतकरी राजेश चोबे (पानवडोद, ता. सिल्‍लोड जि. औरंगाबाद) यांच्‍या वतीने त्‍यांचे बंधु सचिन चोबे यांचा मान्‍यवरांच्‍या हस्‍ते सत्‍कार स्‍वीकारला.
विद्यापीठ मासिक शेतीभाती खरीप विशेषांकाचे विमोचन करतांना
उपस्थित शेतकरी

खरीप शेतकरी मेळाव्‍यात मार्गदर्शन करतांना मा. डॉ. नरेन्‍द्र सिंह राठौड
मार्गदर्शन करतांना कुलगुरू मा. डॉ बी व्‍यंकटेश्‍वरलु

कृषि प्रदर्शनीत सुधारीत कृषि औजाराची माहिती घेतांना शेतकरी

विद्यापीठ विकसित बियाणे व्रिक्रीचे उदघाटन करतांना 


Sunday, May 13, 2018

वनामकृवित खरिप शेतकरी मेळाव्‍याचे आयोजन

मेळाव्‍यात खरीप पिक परिसंवाद व कृषि प्रदर्शनीचेही आयोजन
वसंतराव नाईक मराठवाडा कृषि विद्यापीठाच्‍या 46 व्‍या वर्धापन दिनानिमित्‍त विस्‍तार शिक्षण संचालनालय व कृषि विभाग, महाराष्‍ट्र शासन यांच्‍या संयुक्‍त विद्यमाने खरीप शेतकरी मेळाव्‍याचे आयोजन दिनांक 18 मे शुक्रवार रोजी सकाळी 11.00 वाजता विद्यापीठातील प्रशासकीय इमारती जवळील नवीन पदव्‍युत्‍तर वसतीगृह मैदानात करण्‍यात आले आहे. मेळाव्‍याचे उदघाटन नवी दिल्‍ली येथील भारतीय कृषि अनुसंधान परिषदेचे उपमहानिदेशक (कृषि शिक्षण) मा. डॉ. नरेन्‍द्र सिंह राठौड यांच्‍या हस्‍ते होणार असुन कार्यक्रमाच्‍या अध्‍यक्षस्‍थानी कुलगुरू मा. डॉ. बी. व्‍यंकटेश्‍वरलु हे राहणार आहेत. कार्यक्रमास विस्‍तार शिक्षण संचालक डॉ. पी. जी. इंगोले, शिक्षण संचालक डॉ. व्‍ही. डी. पाटील, संशोधन संचालक डॉ. डी. पी. वासकर आदींची प्रमुख उपस्थिती लाभणार आहे. मेळाव्‍याच्‍या खरीप पिक परिसंवादात खरीप पिक लागवड व व्‍यवस्‍थापन तसेच शेती पुरक जोडधंदे याविषयावर विद्यापीठ शास्‍त्रज्ञ मार्गदर्शन करणार असुन शेतक-यांच्‍या कृषि विषयक प्रश्‍न व शंकाचे शास्‍त्रज्ञ निरासरनही करणार आहेत. याप्रसंगी कृषि प्रदर्शनीचेही आयोजन करण्‍यात आले असुन विद्यापीठ विकसित विविध तंत्रज्ञान आधारी दालनासह शेती निविष्‍ठांचे खासगी कंपन्‍या व बचत गटाच्‍या दालनाचा समावेश राहणार आहे. यावेळी मान्‍यवरांच्‍या हस्‍ते विद्यापीठ विकसित बियाणे विक्रीचे उदघाटनही होणार आहे. सदरिल मेळाव्‍यास जास्‍तीत जास्‍त शेतक-यांनी उपस्थित राहावे, असे आवाहन मुख्‍य विस्‍तार शिक्षण अधिकारी डॉ पी आर देशमुख व जिल्‍हा अधिक्षक कृषि अधिकारी श्री बी आर शिंदे यांनी केले आहे.

Saturday, May 12, 2018

वनामकृवि अंतर्गत असलेल्‍या तुळजापुर येथील कृषि विज्ञान केंद्रास उत्‍कृष्‍ट सादरिकरण पुरस्‍कार


कृषि तंत्रज्ञान अनुप्रयोग संशोधन संस्‍था (अटारी), पुणे व राहुरी येथील महात्‍मा फुले कृषि विद्यापीठ यांच्‍या संयुक्‍त विद्यमाने दिनांक 5 ते 7 मे रोजी तीन दिवसीय वार्षिक विभागीय कार्यशाळेचे आयोजन करण्‍यात आले होते. या कार्यशाळेत गुजरात, गोवा व महाराष्‍ट्र राज्‍यातील एकुण 79 कृषि विज्ञान केंद्राचा सहभाग घेतला. कार्यशाळेचे उदघाटनास राहुरी येथील कृषि विद्यापीठाचे कुलगुरू मा. के पी विश्‍वनाथा, भारतीय कृषि अनुसंधान परिषदेचे उपमहासंचालक डॉ ए के सिंग, परभणी वनामकृविचे विस्‍तार शिक्षण संचालक डॉ पी जी इंगोले तसेच इतर कृषि विद्यापीठाचे विस्‍तार शिक्षण संचालक आदींची प्रमुख उपस्थिती होती. कार्यशाळेत तिन्‍ही राज्‍यातील कृषि विस्‍तारात वापरलेल्‍या विविध तंत्रज्ञान व पध्‍दतीची चर्चा करण्‍यात येऊन प्रत्‍येक कृषि विज्ञान केंद्राच्‍या विस्‍तार कार्याचा आढावा घेण्‍यात आला तसेच सन 2018-19 साली घेण्‍यात येणा-या कृषि विस्‍ताराच्‍या कार्यक्रमाविषयी सादरीकरण करण्‍यात आले. कार्यशाळेच्‍या समारोपात तुळजापुर कृषि विज्ञान केंद्राने 2017-18 साली केलेल्‍या कृषि विस्‍तार कार्याचे कौतुक करून उत्‍कृष्‍ट सादरीकरणाचा पुरस्‍कार मान्‍यवरांच्‍या हस्‍ते देण्‍यात आला. यावेळी भारतीय कृषि अनुसंधान परिषदेचे सहाय्यक महा‍संचालक डॉ व्‍ही पी चहल, अटारीचे संचालक डॉ लखन सिंग, परभणी कृषि विद्यापीठाचे डॉ पी जी इंगोले, डॉ किरण कोकाटे आदी मान्‍यवर उपस्थित होते.

Thursday, May 10, 2018

वनामकृवित राष्‍ट्रीय असंसर्गजन्य रोग निदान शिबीर संपन्‍न

वसंतराव नाईक मराठवाडा कृषी विद्यापीठातील आरोग्य केंद्र आणि जिल्हा एकात्मिक आरोग्य व कुटुंब कल्याण सोसायटी (एन.सी.डी.) जिल्हा रुग्णालय, परभणी संयुक्त विद्यमाने दि. १० मे रोजी राष्‍ट्रीय असंसर्गजन्य रोग निदान शिबीर आयोजित करण्यात आले. शिबिराचे उद्घाटन कुलगुरू मा. डॉ. बी व्‍यंकटेश्वरलू यांच्या हस्ते झाले तर विस्तार शिक्षण संचालक डॉ. पी जी इंगोले, कुलसचिव डॉ. गजेंद्र लोंढे, विद्यापीठ नियंत्रक श्री विनोद गायकवाड, विद्यापीठ अभियंता डॉ. कडाळे, विद्यापीठ वैद्यकिय अधिकारी डॉ सुब्बाराव आदींची प्रमुख उपस्थिती होती. शिबिरास विद्यापीठातील कर्मचारी व अधिकारी यांचा रक्‍तदाब, मधुमेह आदींची तपासणी करण्‍यात आली. शिबिरास अधिकारी व कर्मचारी यांचा मोठा प्रतिसाद मिळाला.

Tuesday, May 8, 2018

वनामकृविच्‍या विद्यार्थिंनीसाठी अद्ययावत व्‍यायामशाळेची सुविधा


आज महिलांसाठी शिक्षणासह विविध संधीची दालने खुली झाली आहेत, कृषि शिक्षणाकडेही मुलींचा मोठा ओढा दिसुन येत आहे. परंतु शैक्षणिक कालावधीत विद्यार्थ्‍यींनीनी आपल्‍या आरोग्‍याकडे दुर्लक्ष करतात. हे लक्षात घेता वसंतराव नाईक मराठवाडा कृषि विद्यापीठांतर्गत असलेल्‍या लातुर, उस्‍मानाबाद, बदनापुर व परभणी येथील कृषीच्‍या विद्यार्थीनीच्‍या वसतिगृहामध्‍ये अद्ययावत व्‍यायामशाळेची सुविधा उपलब्‍ध करून देण्‍यात आली आहे. विद्यार्थ्‍यींनीच्‍या आरोग्‍याच्‍या दृष्‍टीने राष्‍ट्रीय महिला आयोगाने प्रत्‍येक शिक्षण संस्‍थामध्‍ये सॅनिटरी पॅड व्‍हेंडिंग मशीन बसविण्‍यासाठी सुचविले होते. त्‍याअनुषगांने विद्यापीठांतर्गत असलेल्‍या विविध घटक महाविद्यालये व मुलींच्‍या वसतीगृहातील प्रसाधनगृहात व्‍हेडिंग मशीन बसविण्‍यात आले असुन वापरलेले नॅपकिन नष्‍ट करण्‍यासाठी डिस्‍टॉयर मशीनचीही विद्यापीठ परिसरात सुविधा करण्‍यात आली असल्‍याचे शिक्षण संचालक तथा अधिष्‍ठाता डॉ विलास पाटील यांनी सांगितले.